Aviso legal.

Titularidade e contacto

En cumprimento do artigo 10 da Lei 34/2002, do 11 de xullo, de servizos da sociedade da información e de comercio electrónico (LSSI-CE), facilítanse os seguintes datos:

Titular

Luis Angel Caldevilla Santos

NIF

32655785V

Actividade

Persoa física autónoma responsable de Deeiquí, axenda cultural de proximidade

Domicilio profesional

Avenida Marqués de Figueroa, 87-89, entrechán D
15500 Fene, A Coruña

Correo electrónico

redes@deeiqui.com

Sitio web

www.deeiqui.com

Podes dirixir consultas, comunicar erros ou solicitar a revisión dun contido por correo electrónico ou desde a páxina de Propón un eventoPublicidadeContacto.

Obxecto do sitio

Deeiquí reúne e presenta información de proximidade sobre exposicións, lecturas, teatro, cine, proxeccións, concertos, festas e outros eventos culturais. Deeiquí non organiza os eventos nin vende entradas. A organización e, cando corresponda, o vendedor de entradas xestionan as condicións de acceso, os prezos, os cambios de horario, as cancelacións e as devolucións.

Antes de desprazarte ou mercar unha entrada, consulta a convocatoria e as condicións na fonte enlazada. Gardar un plan ou indicar «Vou» non supón unha reserva, a compra dunha entrada nin unha comunicación á organización.

Condicións de uso

O acceso á web é libre e implica usar os contidos de maneira lícita, de boa fe e sen danar o sitio, as persoas usuarias ou terceiros. Non está permitido introducir código malicioso, tentar acceder a zonas restrinxidas nin empregar a información para actividades contrarias á lei.

Salvo autorización ou uso permitido pola lei, non se permite o scraping destinado á extracción masiva dos contidos, a extracción ou reutilización de partes substanciais da base de datos, nin a extracción repetida e sistemática de partes non substanciais que prexudique a súa explotación normal. A reutilización comercial de textos, deseños e outros contidos protexidos require a autorización de quen teña os dereitos, salvo que unha licenza ou a lei a permita.

Estas condicións respectan os dereitos das persoas usuarias lexítimas e os límites e excepcións legais. Non atribúen a Deeiquí dereitos exclusivos sobre feitos ou datos illados. Podes compartir ligazóns ás fichas públicas.

Responsabilidade

Traballamos para ofrecer información clara, contrastada e actualizada, pero non podemos garantir a dispoñibilidade continua das fontes externas nin que os cambios anunciados por terceiros se reflictan de inmediato. Se detectas un erro, comunícao para que poidamos comprobalo e corrixilo.

A información de Deeiquí non substitúe as condicións da convocatoria nin as do vendedor de entradas. A responsabilidade de cada organización ou provedor polos seus servizos determinarase conforme á normativa aplicable. Este aviso non exclúe nin limita a responsabilidade que legalmente corresponda a Deeiquí, incluída a derivada de dolo ou neglixencia propia, nin os dereitos irrenunciables das persoas consumidoras.

Propiedade intelectual e materiais de terceiros

Os textos, o deseño, a marca e os recursos propios de Deeiquí están protexidos na medida prevista pola normativa aplicable. Os dereitos sobre marcas, carteis, fotografías e outros materiais alleos corresponden ás persoas ou entidades titulares.

A reprodución ou adaptación de materiais de terceiros require unha autorización, unha licenza compatible ou un suposto legal que permita ese uso. Citar a autoría, enlazar a fonte ou ter unha finalidade informativa non substitúe esa habilitación. Que un cartel ou unha fotografía estea accesible en internet non significa que poida reutilizarse libremente. O material facilitado para promoción debe empregarse dentro das condicións autorizadas por quen dispoña dos dereitos.

O acceso á web non concede unha licenza xeral de reutilización dos materiais alleos nin dos contidos propios protexidos. A consulta de fontes e bases de datos externas debe respectar tamén as súas licenzas e os dereitos que resulten aplicables.

Solicitudes de retirada ou corrección

Se es titular de dereitos ou actúas na súa representación e consideras que un material non debe aparecer en Deeiquí, escribe a redes@deeiqui.com co asunto «Solicitude de retirada». Indica a ligazón ou os datos necesarios para localizar o material, o motivo, a túa relación cos dereitos afectados e un medio de resposta. Achega só a información necesaria para comprobar a solicitude.

Revisaremos a comunicación coa maior brevidade posible. Se precisamos unha aclaración, solicitarémola; cando a reclamación resulte fundada ou non poidamos acreditar unha base suficiente para o uso, retiraremos ou desactivaremos o material sen dilación indebida. Cando os indicios o xustifiquen, suspenderemos cautelarmente a súa difusión durante a comprobación e comunicaremos a decisión á persoa solicitante. Este procedemento non substitúe a autorización necesaria nin condiciona o exercicio dos dereitos legais.

Materiais enviados por persoas ou entidades

Se envías información, fotografías ou carteis para propoñer un evento, debes indicar a súa procedencia e dispoñer dos dereitos ou permisos necesarios para o uso que propoñas, incluídos os dereitos de imaxe cando corresponda. Identifica a autoría e as condicións de reprodución ou adaptación. Deeiquí poderá pedir aclaracións e revisar, corrixir ou rexeitar a proposta. O envío non garante a publicación nin implica unha cesión xeral de dereitos; o uso limitarase ao alcance autorizado e á normativa aplicable.

Ligazóns externas

As ligazóns a webs de entidades culturais, recintos, cinemas, venda de entradas ou outros servizos facilítanse para ampliar ou verificar a información. Ao saír de Deeiquí aplicaranse as condicións e políticas do sitio de destino. A presenza dunha ligazón non implica que exista unha relación comercial ou que Deeiquí preste o servizo enlazado.

Privacidade e cookies

Consulta a política de privacidade para coñecer o tratamento de datos persoais e o apartado de analítica, cookies e contidos externos para informarte sobre as preferencias e as opcións de consentimento.

Lei aplicable

Este aviso réxese pola lexislación española, incluídas a LSSI-CE e a normativa de propiedade intelectual e protección das persoas consumidoras que resulte aplicable. Podes comunicar calquera desacordo para intentar resolvelo de boa fe, sen que esa comunicación sexa un requisito previo para exercer os teus dereitos. Serán competentes os xulgados e tribunais que determine a lei.